بەشی کارگێڕی کار لە کۆلێجی زانکۆیی گۆیژە لە ساڵی ٢٠١٩ دامەزراوە بە مەبەستی پێدانی تایبەتمەندی لە خوێندنی بەرایی (بەکالۆریۆس لە ماوەی چوار ساڵی خوێندن) لە چەندین بابەتی پەیوەست بە کارگێڕی کار وەک کارگێڕی، کارگێڕی بازارکردن، کارگێڕی دارایی، کارگێڕی کرداری، گفتوگۆی ئەکادیمیی، گارگێڕی ستراتیجی، کارگێڕی سەرچاوە مرۆییەکان، ژمێریاری و …تر.
بەشی کارگێڕی کار کاردەکات بۆ پەرەپێدانی سەرچاوە مرۆییەکان و دەستەی فەرمانبەران لە بواری کارگێڕی، و جێکردنەوەی ستاف لە جێی گونجاو وپەرەپێدانی تواناکانیان لە بەکارهێنانی تەکنەلۆجیا سەردەمیانە بۆ رووبەڕووبونەوەی بەرەنگاریە ناوخۆییەکان و جیهانییەکان لە گەشەپێدانی زانیارییەکان وهاوبەشی لە داخوازیەکانی کۆمەڵگا.

بەشی کارگێری کار نەخشەکاری دەکات بۆ پێکهێنانی سەرکردەیەکی داهێنەری پرۆفیشناڵ لە بواری کارگێری کاردا. ئێمە کاردەکەین لەسەر بەدەست هێنانی ناوەندی سەرەکی بۆ پێشەنگی لە خوێندندا لە سەر ئاستی هەرێمی کوردستان و عێراق دا. پرۆگرامی خوێندن لە لایەن مامۆستایانی لێهاتوەوە دەوترێتەوە کەڕؤڵێکی کاریگەریان دەبێت، و هەروەها هەل و مەرج دەڕەخسێنێت بۆ بەڕێوەبردنی کار لە جیهانی بازرگانی.

ئەم بەشە کاردەکات بۆ دەرچوانی تاکی لێهاتوو، وباش ئامادەکراو. ئەمەش لە ڕێگەی ئەم خاڵانە بەدەست دێت:

• متمانە ودەستپاکی.
• ڕاستگۆیی.
• شفافیەت لە مامەڵکردن لەگەڵ بەرامبەردا.
• بەرەوپێش بردنی چاودێری جۆری وپرۆسەی بڕیاردان.
• فێرکردنی دینامیکی کە سود بە کۆمەڵگا دەگەیەنێت.
• جێبەجێکردنی ئاستێکی بەرز لە توانای گفتوگۆکردن.

دەرخستنی بنەماسەرەکیەکانی ژمێریاری، ئابووری، دارایی، کارگێڕی وبازاڕکردن لە جێبەجێکردنی بیرۆکە وبیردۆزیدا.
دەرخستنی توانای پەیوەندی نووسین وزارەکی کە پەیوەستە بە بەکارهێنانی تەکنەلۆجیا.
دەرخستنی توانای بەرجەستەیی بنەماکانی بواری کارگێڕی.
ناساندنی پێوانەی بەهای ئاکاریی کۆمپانیاکان.
توانای شیکردنەوە، وتوێژینەوەی زانستی دەربارەی گرفتی بازارەکان کە پەیوەستە بە کاری گشتی یان کاری تایبەت و ئەمەش لەڕێگەی کۆمەڵە داتا وسەرچاوەی توێژینەوە زانیستییەکان وسەرچاوە گونجاوەکان.

کلیک لێرە بکە بۆ بینینی ئەو کۆرس و بابەتانەی لەم بەشە دەخوێندرێت.