لەگەڵ گەشەکردنی ئابووری هەرێمی کوردستان لە سەرجەم بەشەکان، خواست لەسەر پسپۆڕی بانک ودارایی زیادەکات. ئەمەش بووە هاندەرێک بۆ کۆلێجی زانکۆیی گۆیژە بۆ کردنەوەی ئەم بەشە بە پڕۆگرامێکی شیاو کە لەڕێگەی مامۆستایانی شارەزا و بە ئەزموون پێشکەش دەکرێت.

زانستی بەشی دارایی و بانك کاردەکات بۆ ئەوەی ببێتە یەکێک لە هەرە بەشە سەرەکیەکانی ناوخۆیی وهەرێمی لە بواری کارەکانی دارایی وبانکی. بەشی بانک هەوڵدەدات بۆ پێشکەشکردنی خزمەتێکی فێرکاری نایاب بۆ خوێندکاران بۆ ئەوەی ئەو کارامەیی وزانیارییانە وەرگرن کە پەیوەستە بە کارەکانی دارایی وبانک، وبەدیهێنانی پێداویستیەکانی بازاڕی کار بۆ پەرەپێدانی کۆمەڵگا. و ئەمەش بەدیدەکرێت لە ڕێگەی دەستبەرکردنی ژینگەیەکی فێرخوازی نایاب، ڕاکێشانی ستافی فێرکردنی بە ئەزموون و فراوانکردنی پەیوەندی لەگەڵ دامەزراوە بانکیەکان بۆ بەدەستهێنانی ڕاوێشکاری وخولی جۆراوجۆر.

ئه‌م به‌شه‌ سیستمی کۆرسات به‌كارده‌هێنێ . شێوازه‌كانی خوێندن بریتین له‌ وانه‌و ڕاپۆرت و وانه‌ی كرداری، هه‌روه‌ها هه‌ڵسه‌نگاندنیش له‌ ڕێگای دوو تاقیكردنه‌وه‌ی وه‌رزی و تاقیكردنه‌وه‌ی كۆتایی ساڵ و نووسینی وتار و ڕاپۆرته‌وه‌ ئه‌نجام ده‌درێت.‌

به‌شێوه‌یه‌كی گشتی زمانی خوێندن له‌ به‌شی دارایی و بانك زمانی ئینگلیزی ‌ و زمانی كوردییه‌.

ماوه‌ی خوێندن له‌م به‌شه‌ چوار ساڵه‌ به‌ ده‌وامی ته‌واو.